


Deseño e interactividade
Cronoaventuras
“Cronoaventuras: O Reino de Galicia” é un xogo de cartas cooperativo, onde xogadoras e xogadores terán que axudar a un viaxeiro espacial que está perdido no Reino de Galicia a recuperar a súa nave e volver ao seu tempo. Para iso, deberán reconstruír a liña do tempo situando cada carta de evento no seu lugar. Pero tamén terán que superar o reto que supón distinguir que eventos pertencen ao noso universo e cales non sucederon realmente. A mecánica é a dun xogo colaborativo con comunicación limitada, no que cada persoa pode ver se as cartas que ten na súa man pertencen á nosa liña temporal ou non, mentres o resto do equipo é quen ve de que evento fala cada carta. Se o xogador ou xogadora colocan mal unha carta, producirase unha interferencia na liña temporal. Se isto acontece varias veces, perderán a partida. O obxectivo é completar a viaxe antes de que a temporalidade do noso universo se rompa para sempre.


Ademais dos deseños de Greta Debelius para as cartas e caixa, e a axuda de Mazarelos para escoller os eventos a incluir, dende Aqueladas fixemos unha aplicación de realidade aumentada que funciona co teléfono e permítenos, enfocando ás cartas, ver os deseños en 3D e ver máis información sobre cada evento!

Toda a info na propia web do proxecto!

Traballo Propio
Traballo Propio
“FONDO DE PROXECTOS CULTURAIS REINO DE GALICIA 2021-2022”
“FONDO DE PROXECTOS CULTURAIS REINO DE GALICIA 2021-2022”