Non canto por cantare

Co gallo das Letras Galegas 2025, producimos unha serie documental de seis episodios que, a través das homenaxeadas, desenvolve unha historia sobre a transmisión que non é só a súa, senón a de moitas outras. Narrada por Pilar García Rego, ‘Non canto por cantare’ celebra o rexurdir da música popular nos torreiros do século XXI, conectando o pasado co presente. Como parte da estratexia transmedia, desenvolvemos unha web conceptual que recolle material adicional das entrevistas. O documental foi emitido pola TVG e atópase dispoñible en agalega.gal.